चल चल पुरतः...

{{पृष्ठपट्टिका-गीतम् |शीर्षकम् = पूर्णविजयसङ्कल्पोऽस्माकम्...

चल चल पुरतः...

चल चल पुरतो निधेहि चरणम् ।
सदैव पुरतो निधेहि चरणम् ।।

गिरिशिखरे तव निजनिकेतनं
समारोहणं विनैव यानम् ।
आत्मबलं केवलं साधनं
सदैव पुरतो निधेहि चरणम् ।।

पथि पाषाणाः विषमाः प्रखराः
तिर्यञ्श्वोऽपि च परितो घोराः ।
सुदुष्करं खलु यद्यपि गमनं
सदैव पुरतो निधेहि चरणम् ।।

जहीहि भीतिं हृदि भज शक्तिं
धेहि धेहि हे भगवति भक्तिम् ।।
कुरु कुरु सततं ध्येयस्मरणं
सदैव पुरतो निधेहि चरणम् ।।