जयतु चिरं जयतु चिरम्...

जयतु चिरं जयतु चिरं
गीर्वाणानां वाणीयम् ।
वेदान्तोदितमाशु दिशन्ती
मोक्षमार्गमतिरमणीयम् ।।

भावसुमधुरा वेदरूपिणी
धर्मकर्मगतमर्मबोधिनी ।
साधुतोषिणी भाग्यपोषिणी
वितरतु फलमिह सुखधानी ।।१।।

भारतबहुजनमनोहारिणी
भारतभाषाप्रभवकारिणी ।
भाववाहिनी काव्यमोहिनी
विलसतु कलरसपदवेणी ।।२।।

नीतिनियमचयतत्त्वजबोधिनी
मनिजनजीवनमार्गदर्शिनी ।
कीर्तिरूपिणी स्फूर्तिदायिनी
विहरतु मम हृदि सुरवाणी ।।३।।