मम देशो भारतम्...

मम देशो भारतम्...

मम देशो भारतं
मम भाषा संस्कृतं
मम देशो भारतं
मम भाषा संस्कृतम् ।।

जन्मभूमिरस्माकं भारतं भारतं
जननी नो वाङ्मयस्य संस्कृतं संस्कृतम् ।
अनाद्यनन्तविश्वविदितशौर्यधैर्यकीर्तिकलित-
भारतीया वयं, भारतीया वयं, भारतीया वयम् ।।

पुण्यभूमिरस्माकं भारतं भारतं
जननी नस्सर्वधर्मसंस्कृता संस्कृता ।
हिन्दु-क्रिस्त-सिक्ख-मुस्लिं-जातिमतविभागरहित-
भारतीया वयं, भारतीया वयं, भारतीया वयम् ।।

जन्मभूमिरस्माकं भारतं भारतं
सर्वजनसमैक्यभावबन्धुरं भारतम् ।
सत्य-धर्म-स्नेह-शान्ति-विश्वबन्धुभावभरित-
भारतीया वयं, भारतीया वयं, भारतीया वयम् ।।

- डा. चल्ला लक्ष्मीनारायणशर्मा