शिवताण्डवस्तोत्र

सार्थशिवताण्डवस्तोत्रम् श्री गणेशाय नमः
Devanagari जटाटवीगलज्जलप्रवाहपावितस्थले गलेऽवलम्ब्य लम्बितां भुजङ्गतुङ्गमालिकाम् | डमड्डमड्डमड्डमन्निनादवड्डमर्वयं चकार चण्डताण्डवं तनोतु नः शिवः शिवम् ||१||	IAST jaṭāṭavī-galaj-jala-pravāha-pāvita-sthale gale 'valambya lambitāṃ bhujaṅga-tuṅga-mālikām । ḍamaḍ ḍamaḍ ḍamaḍ ḍaman nināda-vaḍ ḍamarvayaṃ cakāra caṇḍa-tāṇḍavaṃ tanotu naḥ śivaḥ śivam ॥ 1 ॥
Devanagari जटाकटाहसम्भ्रमभ्रमन्निलिम्पनिर्झरी विलोलवीचिवल्लरीविराजमानमूर्धनि | धगद्धगद्धगज्ज्वलल्ललाटपट्टपावके किशोरचन्द्रशेखरे रतिः प्रतिक्षणं मम ||२||	IAST jaṭā-kaṭāha-hasambhrama-bhraman-nilimpa-nirjharī- vilola-vīci-vallarī-virāja-māna-mūrdhani । dhagad-dhagad-dhagaj-jvalal-lalāṭa-paṭṭa-pāvake kiśora-candra-śekhare ratiḥ pratikṣaṇaṃ mama ॥ 2 ॥
Devanagari धराधरेन्द्रनंदिनीविलासबन्धुबन्धुर स्फुरद्दिगन्तसन्ततिप्रमोदमानमानसे | कृपाकटाक्षधोरणीनिरुद्धदुर्धरापदि क्वचिद्दिगम्बरे(क्वचिच्चिदम्बरे) मनो विनोदमेतु वस्तुनि ||३||	IAST dharādharendra-nandinī-vilāsa-bandhu-bandhura- sphurad-diganta-santati-pramoda-māna-mānase । kṛpā-kaṭākṣa-dhoraṇī-niruddha-durdharāpadi kvacid digambare (kvacic cidambare) mano vinodametu vastuni ॥ 3 ॥
Devanagari जटाभुजङ्गपिङ्गलस्फुरत्फणामणिप्रभा कदम्बकुङ्कुमद्रवप्रलिप्तदिग्वधूमुखे | मदान्धसिन्धुरस्फुरत्त्वगुत्तरीयमेदुरे मनो विनोदमद्भुतं बिभर्तु भूतभर्तरि ||४||	IAST jaṭā bhujaṅga piṅgalasphurat phaṇāmaṇiprabhā kadamba kuṅkuma drava pralip tadig vadhū mukhe । madāndha sindhuras phurat tvagut tarīyame dure mano vinodamadbhutaṃ bibhartu bhūta bhartari ॥ 4 ॥
Devanagari सहस्रलोचनप्रभृत्यशेषलेखशेखर प्रसूनधूलिधोरणी विधूसराङ्घ्रिपीठभूः | भुजङ्गराजमालया निबद्धजाटजूटक श्रियै चिराय जायतां चकोरबन्धुशेखरः ||५||	IAST sahasralocana prabhṛtya śeṣalekha śekhara prasūna dhūli dhoraṇī vidhūsarāṅghri pīṭhabhūḥ । bhujaṅga rājamālayā nibaddha jāṭajūṭaka śriyai cirāya jāyatāṃ cakora bandhuśekharaḥ ॥ 5 ॥
Devanagari ललाटचत्वरज्वलद्धनञ्जयस्फुलिङ्गभा निपीतपञ्चसायकं नमन्निलिम्पनायकम् | सुधामयूखलेखया विराजमानशेखरं महाकपालिसम्पदेशिरोजटालमस्तु नः ||६||	IAST lalāṭa ca tvara jvalad dhanañjaya sphuliṅgabhā nipīta pañcasāyakaṃ naman nilimpa nāyakam । sudhā mayū khale khayā virājamāna śekharaṃ mahā kapāli sampade śiro jaṭā lamastu naḥ ॥ 6 ॥
Devanagari करालभालपट्टिकाधगद्धगद्धगज्ज्वल द्धनञ्जयाहुतीकृतप्रचण्डपञ्चसायके | धराधरेन्द्रनन्दिनीकुचाग्रचित्रपत्रक प्रकल्पनैकशिल्पिनि त्रिलोचने रतिर्मम ||७||	IAST karāla bhāla paṭṭikā dhagad dhagad dhagaj jvalad dhanañjayā hutīkṛta pracaṇḍa pañca sāyake । dharā dharendra nandinī kucāgra citra patraka prakalpanaika śilpini trilocane ratirmama ॥ 7 ॥
Devanagari नवीनमेघमण्डली निरुद्धदुर्धरस्फुरत् कुहूनिशीथिनीतमः प्रबन्धबद्धकन्धरः | निलिम्पनिर्झरीधरस्तनोतु कृत्तिसिन्धुरः कलानिधानबन्धुरः श्रियं जगद्धुरंधरः ||८||	IAST navīna megha maṇḍalī niruddha durdhara sphurat kuhū niśīthinī tamaḥ prabandha baddha kandharaḥ । nilimpa nirjharī dharastanotu kṛtti sindhuraḥ kalā nidhāna bandhuraḥ śriyaṃ jagad dhuraṃdharaḥ ॥ 8 ॥
Devanagari प्रफुल्लनीलपङ्कजप्रपञ्चकालिमप्रभा वलम्बिकण्ठकन्दलीरुचिप्रबद्धकन्धरम् | स्मरच्छिदं पुरच्छिदं भवच्छिदं मखच्छिदं गजच्छिदांधकच्छिदं तमन्तकच्छिदं भजे ||९||	IAST praphulla nīla paṅkaja prapañca kālima prabhā- -valambi kaṇṭha kandalī ruchi prabaddha kandharam । smaracchidaṃ puracchidaṃ bhavacchidaṃ makhacchidaṃ gaja-cchidāṃdhaka-cchidaṃ tam antaka-cchidaṃ bhaje ॥ 9 ॥
Devanagari अखर्व सर्वमङ्गलाकलाकदम्बमञ्जरी रसप्रवाहमाधुरी विजृम्भणामधुव्रतम् | स्मरान्तकं पुरान्तकं भवान्तकं मखान्तकं गजान्तकान्धकान्तकं तमन्तकान्तकं भजे ||१०||	IAST akharva sarva maṅgalā kalā kadaṃba mañjarī rasa pravāha mādhurī vijṛṇbhaṇā madhu vratam । smarāntakaṃ purāntakaṃ bhavāntakaṃ makhāntakaṃ gajāntakāndhakāntakaṃ tam antakāntakaṃ bhaje ॥ 10 ॥
Devanagari जयत्वदभ्रविभ्रमभ्रमद्भुजङ्गमश्वस द्विनिर्गमत्क्रमस्फुरत्करालभालहव्यवाट् | धिमिद्धिमिद्धिमिध्वनन्मृदङ्गतुङ्गमङ्गल ध्वनिक्रमप्रवर्तित प्रचण्डताण्डवः शिवः ||११||	IAST jayatvada bhravi bhrama bhramad bhujaṅga maśvasa dvi nirgamat kramasphurat karāla bhāla havyavāṭ । dhimid dhimid dhimi dhvanan mṛdaṅga tuṅga maṅgala dhvani krama pravartita pracaṇḍa tāṇḍavaḥ śivaḥ ॥ 11 ॥
Devanagari दृषद्विचित्रतल्पयोर्भुजङ्गमौक्तिकस्रजोर् गरिष्ठरत्नलोष्ठयोः सुहृद्विपक्षपक्षयोः | तृणारविन्दचक्षुषोः प्रजामहीमहेन्द्रयोः समं प्रव्रितिक: कदा सदाशिवं भजाम्यहम ||१२||	IAST dṛṣa dvi citra talpayor bhujaṅga mauktikasrajor- gariṣṭha ratna loṣṭhayoḥ suhṛd vipakṣa pakṣayoḥ । tṛṇā ravinda cakṣuṣoḥ prajā mahī mahendrayoḥ sama pravṛ tikaḥ kadā sadāśivaṃ bhajamyaham ॥ 12 ॥
Devanagari कदा निलिम्पनिर्झरीनिकुञ्जकोटरे वसन् विमुक्तदुर्मतिः सदा शिरः स्थमञ्जलिं वहन् | विमुक्तलोललोचनो ललामभाललग्नकः शिवेति मंत्रमुच्चरन् कदा सुखी भवाम्यहम् ||१३||	IAST kadā nilimpa nirjharī nikuñja koṭare vasan vimukta durmatiḥ sadā śiraḥstha mañjaliṃ vahan । vimukta lola locano lalā mabhāla lagna kaḥ śiveti mantra muccaran kadā sukhī bhavā myaham ॥ 13 ॥
Devanagari इमं हि नित्यमेवमुक्तमुत्तमोत्तमं स्तवं पठन्स्मरन्ब्रुवन्नरो विशुद्धिमेतिसंततम् | हरे गुरौ सुभक्तिमाशु याति नान्यथा गतिं विमोहनं हि देहिनां सुशङ्करस्य चिंतनम् ||१४||	IAST imaṃ hi nityamevamuktamuttamottamaṃ stavaṃ paṭhansmaranbruvannaro viśuddhimetisaṃtatam | hare gurau subhaktimāśu yāti nānyathā gatiṃ vimohanaṃ hi dehināṃ suśaṅkarasya ciṃtanam ॥ 14 ॥
Devanagari पूजावसानसमये दशवक्त्रगीतं यः शम्भुपूजनपरं पठति प्रदोषे | तस्य स्थिरां रथगजेन्द्रतुरङ्गयुक्तां लक्ष्मीं सदैव सुमुखिं प्रददाति शम्भुः ||१५||	IAST pūjāvasāna samaye daśavaktragītaṃ yaḥ śaṁbhupūjanaparaṃ paṭhati pradoṣe । tasya sthirāṃ rathagajendra turaṅgayuktāṃ lakṣmīṃ sadaiva sumukhiṃ pradadāti śaṁbhuḥ ॥ 15 ॥
Devanagari इति श्रीरावण-कृतम् शिव-ताण्डव-स्तोत्रम् सम्पूर्णम्	IAST iti śrī rāvaṇa-kṛtam, śivatāṇḍava stotraṃ, sampūrnam,