ध्येयपथिक साधकऽऽ...
ध्येयपथिक साधकऽऽ...
ध्येयपथिकसाधकऽऽ
कार्यपथे साधयऽऽ
मृदु हसन् मधुकिरन् मातरं सदा स्मरन् ॥
जीवनं न शाश्वतं, वैभवं न हि स्थिरम्
स्वार्थलेपनं विना, यत्कृतं हि तच्चिरम्
सरलता स्वजीवनेऽऽ
चिन्तने सदोच्चताऽऽ
समाजपोषिता वयं समाजपोषकाश्चिरम् ॥ ॥१॥
यच्च मनसि चिन्त्यते, यच्च कीर्त्यते गिरा
तच्च मूर्तरूपताम्, एति नित्यजीवने
जनन्यनन्यचरणयो:ऽऽ
समर्पितस्वजीवना:ऽऽ
ध्येयसाधनव्रता वयं भवेम सङ्गता: ॥ ॥२॥
स्मरत्विहाग्रजन्मनां, त्यागबलिसमर्पणम्
सिंहकुलसमुद्भवा: सिंहविक्रमा वयम्
सन्तु कष्टकोटयोऽऽ
भवतु विघ्नवर्षणंऽऽ
- श्री जनार्दन हेगडे