चटक चटक रे चटक...

विकिसूक्तिः तः
Jump to navigation Jump to search

चटक चटक रे चटक...


चटक! चटक! रे चटक!
चिँव् चिँव् कूजसि त्वं विहग!

नीडे निवससि सुखेन डयसे
खादसि फलानि मधुराणि
विहरसि विमले विपुले गगने
नास्ति जनः खलु वारयिता ॥

मातापितराविह मम न स्तः
एकाकी खलु खिन्नोऽहम्
एहि समीपं चिँव् चिँव् मित्र!
ददामि तुभ्यं बहुधान्यम् ॥

चणकं स्वीकुरु पिब रे नीरम्
त्वं पुनरपि रट चिँव् चिँव् चिँव्
तोषय मां करु मधुरालापं
पाठय मामपि तव भाषाम् ॥


- डा. विश्वासः


"https://sa.wikiquote.org/w/index.php?title=चटक_चटक_रे_चटक...&oldid=17450" इत्यस्माद् प्रतिप्राप्तम्