चिरनवीना संस्कृता...
चिरनवीना संस्कृता...
चिरनवीना संस्कृता एषा, गीर्वाणभाषा
चिरनवीना संस्कृता एषा ॥
महतो भूतस्य नि:श्वसितम्
अस्ति यस्याम्, अतिपुरातन-वेदसाहित्यम्
शास्त्रपूरै: स्मृतिविचारै:
वरकवीनां काव्यसारै:
चित्रिता मञ्जुला मञ्जूषा, मञ्जुला भाषा ॥१॥
वाल्मीकि-व्यास-मुनिरचितं,
रामायणं महाकाव्यं महाभारतं
क्लैब्यकिल्बिष-कलित-पार्थं
कार्यविषये योजयन्ती
अस्ति यस्यां भगवती गीता, भगवता कथिता ॥२॥
मातृभाषा मातृभाषाणाम्, भवितुमर्हा
राष्ट्रभाषा भारतीयानाम्,
भवतु भाषाद्वेषनाश:
सर्वथा उद्घोषयाम:
- नारायणभट्ट: