शारदे नृत्यतु मम वदने...

शारदे नृत्यतु मम वदने....

   
शारदे,
गानविशारदे !
विलसतु भवती मानससदने ।
संस्कृतभाषाभूषितवेषा
नृत्यतु नित्यं मम वदने ।।

ऋषिमुनिगदितानि वेदपुराणानि
दार्शनिकानां विविधमतानि ।
कविवररचितानि काव्यनाट्यादीनि
भवन्तु भारति भवदाभरणानि ।।

वीणानिनाद इव नादमयी वाणी
प्रभवतु कण्ठे भवती दयया ।
जगदखिलं नयतु नादविलीनं
शान्तिमयं भवतु मनुकुलहृदयम् ।।

-गुण्ड्मि गणपय्यहोळकः